பண்டைத் தமிழரின் வழிபாட்டுமுறைகளில் நாயன்மார்களின் நெறிகள்

Abstract

மானுட வர்க்கத்தின் இயல்பான வளர்ச்சியில் பரிணாமத்தில் தோன்றியது சமயம். மனிதன் ஒருவனுக்குத்தான் பகுத்தறியும் திறன் இருக்கிறது. அவன் ஒருவனால் தான் உலகில் உள்ள அனுபவங்கள் அனைத்தும் புறவெளித் தோற்றங்கள் இவை எல்லாவற்றிற்கும் மேலான அனுபவம் ஒன்று உண்டு என்று உறுதியாக நம்பமுடியும். பண்டையத் தமிழர்கள் இந்தப்பெருஞ்சுடரான தத்துவத்தை அனைவரும் அணுகலாம் என்ற நம்பிக்கையை வழிபாட்டு முறைகளாக வகுத்துக் கொண்டனர். இத்தகைய வழிபாடுகள் இயற்கையை தெய்வமாகப் போற்றுதல் தொடங்கி பல்வகை சமய வழிபாட்டு முறைகளாக உருவாக்கப்பெற்றன. அவ்வகையிலே திருக்கோயில்களில் இன்று வீற்றிருந்து வழிபாட்டு நெறியினை தம்முடைய வாழ்வியலின் வழி அருள்புரிந்து வாழ்ந்து காட்டிய பண்டையத் தமிழர்களான சைவ நாயன்மார்களான, சிறுத்தொண்டர், கண்ணப்ப நாயனார், உருத்திரபசுபதியார், நந்தனார், சேரமான் பெருமான் நாயனார், திருக்குறிப்புத்தொண்டர், ஆகியோரின் வழி ஆய்ந்துரைக்கும் வகையில் இவ்வாய்வு அமைகின்றது.