எட்டுத்தொகை அக இலக்கியத்தில் தமிழர் வாழ்வியல் நெறிமுறைகள்

Abstract

எட்டுத்தொகை அக இலக்கியம் என்பது நற்றிணை, குறுந்தொகை, ஐங்குறுநூறு, கலித்தொகை, அகநானூறு என்பவை ஆகும். “அரிதரிது மானிடராய்ப் பிறத்தல் அரிது” என்பார் அறிவிற் சிறந்த ஔவையார். பெறுதற்கரிய மானிடப் பிறவியைப் பெற்ற மனிதன் மண்ணில் நல்ல வண்ணம் வாழ்வதற்கு நல்ல நெறிமுறைகளைப் பின்பற்றுதல் வேண்டும். ‘எப்படியாவது வாழலாம்’ என்பதை விடுத்து ‘இப்படித்தான் வாழ வேண்டும்’ என்று மனதில் உறுதி மேற்கொண்டு செயலில் அதனை நடத்திக் காட்டுதல் வேண்டும். நில்லாமை நிலைப்பெற்றிருக்கின்ற இவ்வுலகில் நிலைப்பெற வாழ வேண்டும் என்று எண்ணியவர்கள் தம் புகழ் நிலைக்கக் கூடிய வகையில் சில சிறந்த செயல்களைச் செய்துவிட்டு மாண்டு போனார்கள். முதலாவதாக, நமக்கு வாழ்க்கையில் உயர்ந்த குறிக்கோள்கள் இருக்க வேண்டும். உயர்ந்த குறிக்கோள்கள் மனித வாழ்க்கையின் இலக்காக அமைய வேண்டும். சங்க இலக்கியம் எனப்படுவது தமிழில் கி.மு. 200 முதல் கி.பி. 200 வரை எழுதப்பட்ட தமிழ் இலக்கியங்கள் ஆகும். இவ்விலக்கியம் அக்கால தமிழர்களின் வாழ்க்கை, பண்பாடு, சமூகப் பக்குவம் ஆகியவற்றை வெளிப்படுத்தும் காலக்கண்ணாடியாக திகழ்கின்றன. பண்டைத் தமிழரின் வரலாற்றை அறிய நமக்கு கிடைத்த கருவி சங்க இலக்கியம் ஆகும்.

Keywords

• எட்டுத்தொகை
• தமிழ் இலக்கியங்கள்
• சங்கத் தமிழர் வாழ்வியல்