திருக்குறள் உணர்த்தும் அருள்

Abstract

சுயநலமில்லாமல் பிறர் நலத்தினை காக்க வேண்டும் என்பதில் நம் தமிழர்களுக்கு நிகர் தமிழர்களே முன்னோடியாக விளங்கினார்கள். மனுநீதிச் சோழன், ஒரு பசுவின் கன்றிற்காக  தன் மகனையே தண்டித்தவன். சிபிச் சக்கரவர்த்தி புறாவுக்காக தன் உடலையே தானம் செய்ததும், பாரி மன்னன் முல்லைக்காகத் தேர் கொடுத்ததும், பேகன் என்ற மன்னன் மயிலிற்காக போர்வை அளித்ததும் வரலாற்றில் மாறாமல் இருந்து வந்த தமிழர்களின் கருணையாகும். தன்னைத் தாக்கிய பகைவர்களுக்கு கூட துன்பம் விளைவிக்காது போராட்டத்தினை வென்ற அகிம்சைவாதி மகாத்மா காந்தி. பிற உயிர்களுக்கு சேவை செய்வதற்கான தன் வாழ்நாளையே அர்ப்பணித்த அன்னை தெரசா. தென்னாப்பிரிக்காவில் நிறவெறி அமைப்பை முடிவுக்கு கொண்டு வரப் போராடிய நெல்சன் மண்டேலா என மனிதநேயம் காத்த மனிதர்கள் பட்டியல் நீள்கிறது.