பண்டைத் தமிழரின் வாழ்வியலில் உண்டாட்டு

Abstract

உண்டாட்டு என்பது பண்டைய தமிழர் வாழ்வியலுடன் இயைந்த போர் சார்ந்த கொண்டாட்ட நிகழ்வாகும். போரில் பகைவரிடமிருந்து ஆநிரைகளைக் கவர்ந்து வந்த வீரர்களின் வெற்றியைக் கொண்டாடும் வகையில் கள்ளும், இறைச்சியும் உண்டு களித்து ஆடும் விழாவாக உண்டாட்டு அறியப்பெறுகின்றது. பண்டைத் தமிழர் வாழ்வியலில் இடம்பெற்றிருந்த உண்டாட்டைக் கள்ளுண்டு களிக்கும் உணவு விருந்தாகக் கருதிப் புறக்கணிக்க இயலாது. உண்டாட்டு, வீரத்தைப் போற்றும் விழாவாகவும் சமூக ஒற்றுமையை வளர்க்கும் நிகழ்வாகவும் கொடைப்பண்பின் வெளிப்பாடாகவும் பழந்தமிழரின் உணவுசார் பண்பாட்டின் அடையாளமாகவும் அமைகின்றது. சங்க காலம் தொடங்கி இன்று வரை சமூகத்தில் மலிந்திருக்கும் போதைசார் நுகர்வு சங்க கால உண்டாட்டின் நீட்சியாக அமைகின்றது. சமகாலத்திலும் போற்றத் தக்க வெற்றிக்குப் பிறகு நீளும் கள்ளுண்டு களித்தல் தொடர்புடைய விருந்து முறைமைகள் சங்க கால உண்டாட்டின் எச்சமாக அமைகின்றது. ஈராயிரம் ஆண்டு கால வரலாறு கொண்ட உண்டாட்டு எனும் புற வாழ்வியல் சார்ந்த உணவுப் பண்பாட்டுக்கூறின் பரிமாணங்களைச் சங்க இலக்கியத்தை ஆய்வு எல்லையாகக் கொண்டு தொகுத்தளிக்குமாறு பண்டைத் தமிழரின் வாழ்வியலில் உண்டாட்டு எனும் இவ்வாய்வுக் கட்டுரை அமைகின்றது.

Keywords

• உண்டாட்டு
• கள்
• புறம்
• சங்க இலக்கியம்