சங்க இலக்கியங்கள் வழி அறியலாகும் பண்டைய சடங்குகள்: Ancient rituals known through Sangam literature

சுருக்கம்

அகமும் புறமும் சேர்ந்ததே சங்ககாலம். அக்கால மக்களின் காதல், திருமணம், வழிபாடு, போர், வேளாண்மை, இறப்பு, விருந்தோம்பல் போன்ற வாழ்வியல் நிகழ்வுகளோடு பல்வேறு சடங்குகளும் இணைந்திருந்தன. தொல்காப்பியம், அகநானூறு, புறநானூறு, நற்றிணை, குறுந்தொகை, ஐங்குறுநூறு, கலித்தொகை, பதிற்றுப்பத்து, பட்டினப்பாலை முதலிய நூல்களில் சடங்குகள் தொடர்பான செய்திகள் பரவலாகக் காணப்படுகின்றன. இச்சடங்குகள் வெறும் சமயச் செயல்பாடுகளாக அமையாமல், சமூக ஒழுங்கு, குடும்ப உறவு, இயற்கை நம்பிக்கை, வீர உணர்வு, முன்னோர் நினைவு ஆகியவற்றோடும் தொடர்புடையனவாக விளங்கின. உலகில் வாழும் சூழ்நிலைக்கேற்ப ஒவ்வொரு பகுதியில் வாழும் மக்கள் சில பழக்க வழக்கங்களைப் பின்பற்றினர். சமூகத்தோடு பின்னிப்பிணைந்துள்ள மக்கள் சமூகத்தில் நம்பிக்கைகளையும் அதனை சார்ந்து சடங்குகளையும் பின்பற்றி வந்தனர். மனிதன் பிறப்பு முதல் இறப்பு வரை அனைத்து செயல்களிலும் சடங்கு முறைகள் காணப்பட்டனர். சங்க இலக்கியங்கள் பண்டைய சமூக பழக்க வழக்கங்களையும், நம்பிக்கைகளையும் வெளிப்படையாக காட்டும் கண்ணாடியாக விளங்குகிறது. தாயின் கருவில் உருவானது முதல் இறப்பு வரை ஒவ்வொரு கட்டத்திலும் அதனின் நினைவூட்டுவதற்காக சில சிறப்பு செயல் சடங்குகளைச் செய்கின்றனர். எனவே சடங்கு என்பது நிர்ணயிக்கப்பட்ட நடத்தைகள் வடிவம் ஆகும். இத்தகைய சடங்குகளை சங்க இலக்கியங்கள் வழி ஆராய்வதாக இந்த ஆய்வுக்கட்டுரை அமைந்துள்ளது.

திறவுச்சொற்கள்

• சடங்குகள்
• திருமணம்
• வழிபாடு
• வெறியாட்டு
• நடுகல்
• முன்னோர் வழிபாடு
• வேளாண்மை